廣州舊事 txt全集小說附件已上傳到百度網盤，點擊免費下載：
內容預覽：
廣州舊事
作者：彤壹郎
廣州舊事
更新時間2008-10-24 13:11:43 字數：3821
《廣州廣州友誼商店》
位於環市東路嘅廣州友誼商店，每當夜幕降臨，溢彩流光，幾靚啵。
時光倒流二十年，嗰陣時嘅廣州友誼商店就巴閉啰，喺上個世紀８０年代初，進口商品對壹般廣州市民有住好強嘅吸引力，而友誼商店又係廣州少數可以買到進口商品嘅地方。
講起廣州友誼商店，有樣嘢哩絕對係同佢有關嘅，就係外匯券。乜東東嚟㗎？佢係我國改革開放初期，由中國銀行發行嘅壹種替代外幣喺中國境內流通，同人民幣等值嘅人民幣憑證。嗰陣時冇呢味嘢，妳都唔使只易入去買嘢。
記得嗰陣時有華僑親戚返嚟廣州，喺佢帶住去過友誼商店——門口。因為啱啱開始，壹般人係唔能夠入去嘅，所以親戚攞住外國護照同外匯券入去買嘢，我就喺門口等啰。需然入唔到去，但係食到裏面啲嘢，梗係開心啦。後嚟先至慢慢開放，只要有外匯券，就自由出入買嘢。
外父當年由於工作關系，唔單止好易有外匯券，仲可以經常出入友誼商店，買啲進口嘅糖果餅幹、面包牛奶返屋企。我老婆嗰陣就有口福啰，經常有啲好嘢吃，搞到隔離左右啲細路仔細路女都唔知幾羨慕。外父待人好好，嗰陣時嘅廣州人，千方百計都諗住揾到幾蚊外匯券嚟買啲進口貨。外父會幫助啲親戚，幫佢哋買啲嘢同埋換啲外匯券。
老婆壹直都中意去友誼買嘢，嗰女啲用品啦，佢自己著嘅衫，買俾我嘅衫，最勁抽就係早期買咗部奧林巴斯嘅……